श्रीलंकेची माळेंत बरोबरी

भांगरभूंय | प्रतिनिधी

पाकिस्तान आनी येजमान श्रीलंका ह्या पंगडां मदली दोन टॅस्टींची माळ 1-1 अशी बरोबरींत सुटली. प्रभात जयसुर्या आनी रमेश मॅण्डीस ह्या स्पिनरांच्या नेटार श्रीलंकेन दुसरे टॅस्टींत पाकिस्तानाक 246 धांवड्यांनी हारयलो. पयले टॅस्टींत पाकिस्तानान विक्रमी मोख मेळयत चार विकेटींनी जैत जोडिल्लें.

श्रीलंकेन पयल्या डावांत 378 धांवड्यो केल्ल्यो. दुसरो डाव ताणें 8 विकेटी वगडावन 360 धांवड्यो करून घोशीत केलो. पाकिस्तानाचो पयलो डाव 231 धांवड्यो केल्यो. ताका जैता खातीर विक्रमी 508 धांवड्यांची गरज आशिल्ली.

176 धांवड्यां वयल्यान मुखार खेळटना पाकिस्तानाचो डाव पांचव्या आनी निमाण्या दिसा 261चेर सोंपलो. बाबर आजमान 81 धांवड्यो केल्यो. जाल्यार इमाम उल हकान 49 धांवड्यो केल्यो. जयसुर्यान दुसऱ्या डावांत 5 जाल्यार रमेश मॅण्डिसान 4 विकेटी घेतल्यो.

पाकिस्तानान निमाण्या दिसा 85 धांवड्यांनी पांच विकेटी वगडायल्यो.