भांगरभूंय | प्रतिनिधी
मुरगांव ः श्रीराम मंदिराचो 29 वो मुर्ती प्रतिष्ठापन वर्धापन दीस सुवाळो अक्षय तृतियेच्या शूभ म्हुर्तार फाल्यां, मंगळारा, 3 मे दिसा सकाळीं 9 वरांचेर सौ आनी श्री गुरुदास राजाराम च्यारी हांचे येजमानके खाला जातलो.
त्या निमतान ब्राह्मण देवाचो लघुरूद्र श्रीरामाची पाद्यपुजा, गणेशपुजन, पुण्याहवाचन, देव नांदी, जपा वरवीं हवन, आरती, महागाराणे, तीर्थप्रसाद जातलो. दनपरां 1 वरांचेर महाप्रसाद आसतलो. ताचीं येजमान सौ आनी श्री देवानंद लक्ष्मण च्यारी आसतलीं. सांजवेळा 6.30 वरांचेर ह. भ. प. दिव्या मावजेकार, शिवानी वझे, संपूर्णा भगत, सावली गांवकार हांचीं चक्री किर्तनां आसतलीं. उपरांत 8.30 वरांचेर सवायशिणींचे वतीन दिवजोत्सवाचो कार्यावळ जातली.
बुधवार, ता. 4 मे ह्या दिसा सकाळीं 9 वरांचेर श्रीरामाची पाद्यपुजा, अभिशेक जातलो. दनपरां 3 वरांचेर श्री सत्यनारायण महापुजा जातली. उपरांत आरती, तीर्थप्रसाद जातलो. येजमानपद सौ आनी श्री रुद्रेश्वर कमलाकांत च्यारी माशेलकार भूशयतलीं. उपरांत सांजवेळा 7 वरांचेर स्वर संध्या ही थळाव्या कलाकारांचे वतीन भावगीत, भक्तीगीत, नाट्यगितांची मैफल जातली.
बिरेस्तार, ता. 5 मेक दनपरां 12.30 वरांचेर ब्राह्मण भोजन जातलें. वयले कार्यावळीक भाविकांनी व्हडा संख्येन येवचें अशें आवाहन श्रीराम विश्वकर्मा संस्थान, मेस्तवाडो
हांणी केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
