भांगरभूंय | प्रतिनिधी
भांगरभूंय । प्रतिनिधी
म्हापशेंः पर्वरी चोगम रोडा वयल्या टॅक्नोसिदाद इमारतींत जन उत्कर्श अर्बन पत संस्थेच्या फाट्याचें उक्तावण पर्यटन मंत्री रोहन खवंटे हांणी उक्तावण केलें. संस्थेचो हो 10वो फांटो आसा. ह्या वेळार सांळगांवचो आमदार केदार नायक, म्हापशेची नगराध्यक्ष शुभांगी वायंगणकार, संस्थेचो अध्यक्ष नारायण कारेकार, उपाध्यक्ष श्रीरंग नागवेकार, वेवस्थापक सुरेश आरोलकार हाजीर आशिल्लो.
सरकार अंतोदय तत्वाचेर राज्याची उदरगत करपाचो विचार करता, अश्या वेळार पंत संस्थांची सामकी गरज आसा. तांका लागून समाजांतल्यान कमकुवत घटकांक वेवसाय सुरू करपाक मजत मेळटली. पर्वरी आनी साळगांव वाठारांत जन उत्कर्श संस्थेन फांटो सुरू करून आपलो विस्तार करपाचें काम सुरू केला. तांच्या फाट्यांचो लाब सगल्या लोकांक मेळटलो अशी अपेक्षा रोहन खवंटे हांणी उक्तायली.
आमदार केदार नायक आनी प्रदेश भाजपा अध्यक्ष सदानंद शेट तानावडे हांणी आपले विचार मांडले. अध्यक्ष नारायण कारेकारान येवकार दितना संस्थेच्या वावराचो नियाळ घेतलो. मानेस्ताचें हस्तुकीं फीत कापून आनी दिवली पेटोवन फांट्याचें उक्तावण केले. सूत्रसंचालन संस्थेचो वसुली अधिकारी नारायण शिंदे हांणी केलें जाल्यार श्रीरंग नार्वेकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.