भांगरभूंय | प्रतिनिधी
शिवोली: शिवोलेच्या श्री स्वामी समर्थ मठांत बुधवारा 9 वेर ‘श्री स्वामी समर्थ प्रकटदिन’ व्हड उमेदीन आनी भक्तीभावान मनयतले. ते निमतान सोमार 7 आनी मंगळार 8 नोव्हेंबर दिसा सकाळीं 8 वरांचेर चोपडें-आरवाडो, मोरजी, मांद्रें, हरमल, केरी, पालयें, कोरगांव, तुयें, पार्सें तशेंच बुधवार 9 वेर कामुर्ली आनी शिवोली पंचक्रोशीत श्री स्वामी समर्थांची अमर बँडा सयत पालखी मिरवणूक काडटले.
बुधवार 9 वेर सकाळीं 9 वरांचेर श्री स्वामी समर्थांची विधीवत पुजाअर्चा, दनपारां 1 वरांचेर आरती आनी तीर्थप्रसाद आनी महाप्रसाद जातलो.
सांजवेळा 7.30 वरांचेर स्वामी समर्थांच्या मठा भोंवतणी पालखी प्रदक्षिणा, रातच्या 8 वरांचेर आरती आनी तीर्थप्रसाद जावन महाप्रसाद जातलो. रातच्या 8.30 वरांचेर श्री स्वामी समर्थांचेर आदारीत पदाचेर नृत्य सादर जातलें.
रातच्या 9 वरांचेर मानेस्तांचो भोवमान आयोजीत केला. रातच्या 9.30 वरांचेर कलर्स मराठी चॅनलाचेर प्रसारीत जावपी ‘जय जय स्वामी समर्थ’ हे मालिकेंत श्री स्वामी समर्थांची भुमिका वठोवपी अक्षय मुदवाडकर हाचीर उपस्थिती लाभतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
