भांगरभूंय | प्रतिनिधी
4 ऑगस्ट मेरेन ईडी कोठडेंत दवरपाचो न्यायालयाचो आदेश
खबरां संस्था
मुंबयः शिवसेना म्हणयारे आनी खासदार संजय राऊत हांकां न्यायालयान 4 ऑगस्ट मेरेन ईडी कोठडेंत दवरपाचो आदेश दिला. पत्रा चाळ गैरवेव्हार प्रकरणांत अटक केले उपरांत संजय राऊत हांकां काल ईडी कोर्टांत हजर केले. सुनावणी मजगतीं, ईडीन राऊत हांकां आठ दिसांची कोठडी दिवपाची मागणी केल्ली.
संजय राऊत हांच्या वकिलान कोठडी दिवपाची आसत जाल्यार आठ दिसां परस उणी दिवची अशी मागणी केली. ते उपरांत कोर्टान राऊत हांकां 4 ऑगस्ट मेरेन कोठडेंत दवरपाचो आदेश दिला.
मजगतीं, वैजकी कारणाक लागून रातीं 10.30 वरा उपरांत संजय राऊत हांची चवकशी करचे नात, अशी हमी ईडीन कोर्टांत दिली.
मजगतीं, संजय राऊत हांची चवकशी सुरू आसतना ईडी कार्यालयाच्या भायर शिवसैनिकांनी आंदोलन केलें. तशेंच राऊत हांकां तेंको दिवपाक राष्ट्रवादी काँग्रेसचे कार्यकर्ते लेगीत मैदानांत देंवल्यात.
िशेश सरकारी वकील हितेन हांणी संजय राऊत अानी तांच्या कुटुंबियांक 1 काेटी 6 लाखांचो फायदो जाल्ल्याचे सांगलें. ईडीन ह्या वेळार प्रवीण राऊत हे संजय राऊतांचे ‘फ्रंट मॅन’ आसून आमचे कडेन जमीन विक्री प्रकरणांतल्या कांय मालमत्ता विशीं जबाब आशिल्ल्याची म्हायती दिली.
राऊत हांच्या घरांत मेळ्ळी 11.50 लाख रोख रक्कम
संजय राऊत हांची ईडीन सुमार 15 वरां चवकशी केले उपरांत मध्यान रातीं तांकां अटक केली. ईडीच्या अधिकाऱ्यांनी संजय राऊत हांच्या भांडुप हांगाच्या घराचेर धाड घालून साडेइकरा लाख रुपयांची रक्कम जप्त केली. हातूंतल्या 10 लाखांच्या पाकिटाचेर मुख्यमंत्री एकनाथ शिंदे हांचें नांव आशिल्ल्याची म्हायती ईडीच्या अधिकाऱ्यांनी दिली. तशेंच संबंदींत 10 लाख रुपया अयोध्या भोंवडेंतल्यान उरिल्ली रक्मक पक्ष कार्यालयांत जमा करपा खातीर दवरिल्ल्याची म्हायती मेळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
