भांगरभूंय | प्रतिनिधी
म्हजें मत
नामनेच्या लयराई देवीचें होमखण हालींच जालें. गोंय आनी शेजराच्या राज्यांनी ही जात्रा फामाद आसा. लयराई म्हणल्यार आदिशक्ती. भक्ताच्या संकश्टा वेळार ताका पावपी. तिच्या उत्सवाक शेनवारा फांतोडर धोंडगणांचें अग्नीदिव्य चलतना ब्लॅकस्पाॅट समजतात, ते देंवतेर रांगेंत चलपी धोंडगणांत एकूच गोंदळ जालो. चेंगराचेंगरी जाली. एकमेकांक धुकलून उडोवपाचो प्रकार घडले. धोंड आनी हेर भावीक जमनीचेर पडले. तांच्या पोटार, गळ्यार, फाटीर पांय पडिल्ल्यान स भाविकांक मरण आयलें. सत्तर एक गंभीर जखमी जाले. बाकीच्यांक किरकोळ दुखापत जाली. मरण आयिल्ल्यांक शांती मेळूं.
अनादीकाळा पसून चलत आयिल्ली ही लयराईची जात्रा हो दैवी चमत्कार. रखरखत्या पेटिल्ल्या, भगभगीत होमखणांतल्यान हर हर महादेव म्हणीत वचप ही देवीची कृपा. कोणाकुच कसलीच बाधा, जखम, हुलोप लायनासतना देवी सगल्या भक्तांचें रक्षण करता. होमखणाचो उजो वयर वयर वता. देवी सगल्यांक आनंदान घरा धाडटा. मात ह्या वर्सा लोक वाडले. धोंडूय वाडले अशें आयकूंक आयलें. गर्देचेर नियंत्रण दवरप जालें ना. धोंडां मदीं बाचाबाची जाली. बेतकाठयेन एकामेकांक मरप जालें, तें सोशल मिडियाचेर पळोवपाक मेळ्ळें. बेतकाठी, सोंवळीं, जोतीं, फुलां पडिल्लीं दिश्टी पडलीं. वायट दिसलें.
देवीचेर श्रद्धा आशिल्ल्यान ही गर्दी जाता. फाटलें कांय दीस शिरगांव सुन्न आसा. दुकानदारुय रोखडेच दुकानां बंद करून गेले. एक तरेचे संकश्ट तांचे मुखार उबें रावलें. गोंयकारुय ह्या धपक्यांतल्यान भायर सरूंक नात. ते दुख्खी आसात. ती काळरात्र अशें तांकां दिसता.
लयराई आई, हाॅस्पिटलांत उपचार घेवपी सगल्यांक बेगीन बरें कर.
– सिद्धी तिळवे
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
