भांगरभूंय | प्रतिनिधी
फोंडें, प्रतिनिधी : जैवविविधताय समिती कुळें शिगांव आनी ग्रामपंचायत कुळें शिगांव हांच्या जोड पालवान ११ सप्टेंबराक रानभाजयो महोत्सवाचें आयोजन केलां. हो महोत्सव सरकारी हायस्कूलांत सकाळीं १० ते दनपरां १ वरां मेरेन जातलो.
मुखेल सोयरे म्हणून गोंय पर्यटन विकास महामंडळाचे अध्यक्ष तशेंच सांवड्डेंचे आमदार डॉ. गणेश गांवकार हाजीर रावतले. मानाचे सोयरे म्हणून कुळें शिगांवचे सरपंच गोविंद शिगांवकार तशेंच गोवा जैवविविधता मंडळाचे वांगडी सचीव डॉ. प्रदीप सरमोकादम हाजीर आसतले.
ह्या महोत्सवा निमतान कांय सर्तींचें आयोजन केलां. रानभाजयां पसून विंगड विंगड जिन्नस तयार करून हाडप, तशेंच रान फुलांची वेणी तयार करप, लोगो ह्यो सर्ती घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
