भांगरभूंय | प्रतिनिधी
एडू केअर संस्थे कडेन सरकारची कबलात
पणजी, प्रतिनिधी : अभियांत्रिकी पदवी, पदविका तशेच हेर शिक्षण घेतिल्ल्या तरणाट्यांक आता व्हर्च्युअल पद्धतीनं कुशळटाय प्रशिक्षण घेवपाची सुविधा उपलब्ध जाल्या. हे विशी तांत्रिक शिक्षण संचालनालयान एडु केअर संस्थेकडेन कबलात केल्या. आयज मंत्रालयात मुख्यमंत्री डॉ. प्रमोद सावंत हांचे हाजेरित ही कार्यावळ जाली. म्हायती तंत्रज्ञान मंत्री रोहन खंवटे आनी आमदार डॉ. चंद्रकांत शेट्ये हाजिर आशिल्ले.
कोवीडा वेळार बऱ्याच जाणानी व्हर्च्युअल प्रशिक्षण घेतला, अशे मुख्यमंत्री सावंत हाणी सांगले. हे वेळार झेन टेक्नॉलॉजी कंपनी कडेन कबलात जाली. तुये इलेक्ट्रोनिक क्लस्टरांत तांकां भूंयखंड दिवपाची कागदपत्रां दिली. झेन टेक्नॉलॉजी तुये हांगां 50 कोटींची गुंतवणूक करतली. हातुंतल्यान 800 जाणांक रोजगार मेळटलो. ही कंपनी कुशळटायेचें प्रशिक्षण दितली. अर्थसंकल्पा विशीं म्हायती दिवपी बजेट मेन्यूएल पुस्तिकेचें प्रकाशन जालें. स्वयंपूर्ण ई बाजार संकेतथळाचें ह्या वेळार उक्तावण जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
