भांगरभूंय | प्रतिनिधी
मडगांवः मनशाचे जिणेंत शिक्षण, साहित्य आनी संगीत हे तिनूय घटक खुबूच म्हत्वाचे. मनशाचे उच्च विचार आनी ध्येय आसल्यार तो येसस्वी जाता, अशें ज्ञानपीठ पुरस्कार फावो जाल्ले नामनेचे कोंकणी लेखक दामोदर मावजो हांणी सांगलें. देमानी कुंकळ्ळी वाठारांत मोपकार ट्रेडींग सुपर स्टोअराचें उक्तावण केले उपरांत ते मुखेल सोयरे म्हूण उलयताले.
ह्या वेळार माचयेर मानाचे सोयरे म्हूण कुंकळ्ळी सीईएस उच्च माध्यमीक विद्यालयाचे आदले प्राचार्य ट्रिलरॉय फर्नांडीस, कुंकळ्ळीचे युवा उद्देजक नामनेचे तबलावादक आनी संगीतकार यतीन तळावलीकार, विजय मोपकार तशेंच मोपकार ट्रेडींग सुपर स्टोअराचे धनी अतीश मोपकर हाजीर आशिल्ले.
अतीश मोपकार हांणी सांगलें, आयच्या सुशिक्षीत तरणाट्यांनी सरकारी नोकऱ्यां फाटल्यान धांवा नासतना स्वताचो वेवसाय सुरू करून दुसऱ्यांक नोकरी दिवची. सरकाराच्यो कितल्योश्योच येवजण्यो आसात, तांचो लाव घेवचो.
ह्या वेळार ट्रिलरॉय फर्नांडीस हांणीय आपले विचार मांडले. पंकज नमशीकार हांणी सुत्रसंचालन केलें जाल्यार विजय मोपकार हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
