भांगरभूंय | प्रतिनिधी
पणजी, प्रतिनिधी : गोंय विधानसभेचें शिंयाळी अधिवेशन जानेवारीच्या पयल्या सप्तकात जावं येता. हे विशींचो निर्णय पयलीं सरकारान घेवपाक जाय.
सभापती रमेश तवडकार हांची आयज पणजेत पत्रकार परिशद जाली. त्या वेळार तांणी ही म्हायती दिली. काणकोणा जावपी लोकोत्सवाची म्हायती दिवपा खातीर ही पत्रकार परिशद घेतिल्ली. ह्या वेळार आदर्श युवा संघाचे पदाधिकारी हाजिर आशिल्ले. विधानसभेचें पावसाळी अधिवेशन ऑगस्टांत सोंपलां. हाका लागून फेब्रुवारी पयलीं फुडलें अधिवेशन जावप गरजेचें आसा.
अंदूं गांवडोंगरी- काणकोण आदर्श ग्राम नगरींत 8 ते 10 डिसेंबर मजगतीं लोकोत्सव जातलो. मुख्यमंत्री डॉ. प्रमोद सावंत हांचे हस्तुकी उक्तावण जातलें. तीन दीस चलपी लोकोत्सवांत 6 राज्यांचे सभापती भेट दितले. तरेकवार सर्ती तशेच प्रदर्शनाचें आयोजन जातलें. रानां वखदांचे प्रदर्शन हें खास आकर्षण आसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
