भांगरभूंय | प्रतिनिधी
भांगरभूंय । प्रतिनिधी
काणकोणः लोकमान्य मल्टिपर्पज कॉ ऑपरेटिव्ह सोसायटी वतीन आयोजीत केल्ली ‘वन्दे मातरम, आंतरशालेय समूह गीत गायन सर्त मल्लिकार्जुन कॉलेज- देळें काणकोण हांगा व्हडा उमेदीन जाली. ह्यावेळार मुखेल सोयरे म्हूण कॉलेजाचे प्राचार्य डॉ.मनोज कामत तशेच सोसायटीचो विभागीय वेवस्थापक सुहास खांडेपारकार आनी श्री.फुतार्दो, अपूर्वा प्रभु, आषुतोश केरकार, अजीत पैंगिणकर हाजीर आशिल्ले.
सत्तीचें पयलें इनाम सरकारी विद्यालय सादोळशें, दुसरें इनाम श्री कात्यायनी बाणेश्वर विद्यालय पणसुले, आनी तिसरें मल्लिकार्जुन विद्यालय- चाररस्तो काणकोण हांका फावो जालें. डॉ कामत हांणी देश भक्ती गीत कित्याक जाय आनी ताची गरज कितें हाचेर सविस्तर माहिती दिली. देशाभिमान, स्वाभिमान हाची रुजवण भुरग्यां मदीं करपा खातीर लोकमान्य सोसायटीन घडोवन हाडटा ही एक व्हड गजाल अशें तांणी सांगलें. सुहास खांडेपारकार आनी फुतार्दो हांचे उलोवप जालें. अपूर्वा प्रभू, ममता चिमुलकार आनी सोनाली केंकरे हांणी मानेस्ताक फुलां भेटयली.
परिक्षक म्हूणन हेमा नायक, सुरज कोमरपंत आनी अनिल फळदेसाय हांणी केले. सूत्रसंचालन रमेश कोमरपंत हांणे केले. शाखेचे प्रबंधक महेंद्र नायक हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
