भांगरभूंय | प्रतिनिधी
भांगरभूंय । पत्रक
पणजीः दाल्गादो कोंकणी अकादेमीन गोंयच्या उत्सवांचेर ‘व्हेन गोवा सिलेब्रेट’ हें आनीक एक पुस्तक उजवाडयलां. फादल आपोलिनारियो कार्दोझ ह्या जेझुएट पाद्रीन गोंयच्या हिंदू, किरिस्तांव आनी मुस्लीम समाजांत मनयतात त्या उत्सवाचें चित्रण ह्या पुस्तकांत केलां.
कार्डिनल म्हणून निवड केल्ले फादर फिलीप नेरी फेर्रांव हांचे हस्तुकीं पोरण्या गोंयांत बॉं जिजस बॅसिलिकांत हालींच ह्या पुस्तकाचें प्रकाशन जालें. ह्या वेळार फादर रोलंड कुएल्हो, बॅसिलिकाचो रेक्रटर फादर पॅट्रिसिओ फर्नांडीस, दाल्गादो कोंकणी अकादेमीचो अध्यक्ष व्हिन्सी क्वाद्रुस हाजीर आशिल्ले.
‘व्हेन गोवा सिलेब्रेट’ हें पुस्तकांत वेगवेगळ्या धर्मीक उत्सवांचेर बारीकसाणेन बरयलां. दरेका सणाचे रितीरिवाज आनी परंपरेची म्हायती ह्या पुस्तकांत वाचप्यांक मेळटा. पुस्तकांत मातयेच्या आयदनां भोंवतणी घुंवपी एका उत्सवाचें सोबीत वर्णन मेळटलें, झर्मे हांगचो चोरांच्या उत्सवाची म्हायती दिल्या.
हें पुस्तक डीकेएच्या दस्तावेजीकरण येवजणे खाला फादर जेजूच्या सोसायटींत 40 वर्सां पाद्रीपणाच्या निमतान उजवाडाक आयलां. अपोलिनारिओ हाणें केला. ह्या पुस्तकाची मोल 400 रुपया आसा. डीकेएच्या कार्यालयांत 240 रुपया हे सवलतीच्या मोलांत तें विकतें घेवपाक जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
