भांगरभूंय | प्रतिनिधी
भांगरभूंय । प्रतिनिधी
वास्कोः वेळसांव हांगा रेल्वे उदरगत निगमान कसलीच परवानगी घेनास्तना खाजगी सुवातेंत सुरू केल्लें बांदकाम बंद करपाचो यत्न संबंदीत भाटकारान केलो. जाल्यार आमचे कडेन जायते परवाने आसात, असो दावो करून रेल्वे निगमाच्या कंत्राटदारान काम करपाचें बंद केलें नाशिल्ल्यान थंय तणाव तायर जालो. खाजगी मालमत्तेंत येवंन दादागिरी करून बांदकाम करपाच्या ह्या प्रकाराक लागून गोंयांत कायदो आनी सुवेवस्था ना असो दावो कांय थळाव्या लोकांनी केला.
दक्षीण पश्चीम रेल्वे वतीन सद्या दोट्टी रेलमार्गाचें काम सध्या नेटान सुरू आसा. मात वेळसांव हांका संबंदीत कंत्राटदार आनी थळाव्या लोकां मदी वादाचे प्रकार घडटात. ह्या प्रकरणांत तोडगो काडपाचो यत्न येसस्वी जाजा. रेल्वें आमचे सुवातेंत घुसखोरी करून बेकायदेशीर बांदकामां करता अशी लोकांची कागाळ आसा जाल्यार बांदकामां करपाचो वरिश्ठां कडल्यान आमकां आदेश मेळ्ळा असे कंत्राटदार सांगता. ताका लागून तणाव तयार जाता. रेल्वे निगमान रेलमार्गाचे पश्चीमे वटेन काँक्रिट घालपा खातीर मशिनरी हाडिल्ल्या सोमाराक लोक आनी कंत्राटदारां मदी वाद जालो. वे्र्णा पुलिसांनी कंत्राटदारा कडेन सगळीं कागदपत्रां आशिल्ल्याचें सांगून लोकांक कामांत आडमेळे हाडनाकात अशें सांगलें. लोकांनी ही कागदपत्रां दाखोवपाक सांगलें तेन्नी ती वरिश्ठां कडेन आसात अशें कंत्राटदारान सांगलें.
जे सुवातेंत बांदकाम चल्तां ती शालिनी बार्रेटो हिची आसा. मात रेल्वेन आपल्या कडल्यान कसलीच परवानगी घेतली ना आनी आपल्याक विचारनास्तना जमीन बळकायल्या असो दावो तिणे केला. वेर्णा पुलीस स्टेशन आनी पंचायत मंडळांत आपणे कागाळ केल्या अशी म्हायती तिणे दिली. ओर्व्हिल दौरादो आनी हेरांनी बांदकामाचो पळोवणी केली. रेल्वेची दादागिरी चल्ल्या. पंचायत मंडळाक बांदकामाची म्हायती रेल्वे दिना. पंचायत राज कायद्याचें रेल्वे उल्लंघन करता अशें तांणी सांगून गोंयकारांनी आमकां तेंको दिवपाची मागणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
