भांगरभूंय | प्रतिनिधी
भांगरभूंय । पत्रक
पणजीः नवी दिल्लींत हालींच जाल्ल्या पर्टनट आनी हॉस्पिटॅलिची स्किल्स कावंसिलींगच्या (टीएचएससी) वर्सुरी प्रक्षिक्षण भागिदारांच्या मेळाव्यांत वेर्णा हांगच्या कामाक्षी स्किल्सान सगल्यांत चड आंतरराष्ट्रीय प्सेसमेंटा खातीर प्रतिश्ठेचो पुरस्कार मेळयलो.
शंबरां परस चड प्रशिक्षण भागिदार हाजीर आशिल्ले हे कार्यावळींत कुशळताय उदरगतीचे नदेरन तरणाट्यांक धामीच्या दुयेंसा उपरांतची आव्हाना, रोजगारक्षम कार्यबल तयार करपाचें म्हत्व आनी टीएचएससीन कुशळताय मोलावणीचें प्रमाणीकरण करपा खातीर सुरू आशिल्ल्यो येवजण्यो आनी उपक्रम समजून घेवपाची संद मेळ्ळी
कोरोना म्हामारीन तयार केल्लीं जायती आव्हानां आसतना लेगीत कामाक्षी स्किल्सान पोरूं लक्झरी क्रुज लायनरांचेर 600 परस चड कुशळ संसाधना प्रतिश्ठीत पदांचेर दवोरली, नॉर्वेजियन क्रुज लायन, व्हर्जिन व्होईजीस, वायकिंग क्रूज, रिजेट आनी ओशनिया हे तांचे नामनेचे गिरायक आसात. कामाक्षीचो वेर्णा हांगचो कॅम्पस कुशळताय उदरगत आनी उद्देजकता मंत्रालयाच्या खाला गोंयांतलें पयलें भारतीय आंतरराष्ट्रीय कुशळताय केंद्र आसा. कामाक्षी स्किल्स हें टीएचएसी कडेन संलग्न आशिल्ली केंद्र लेगीत आसा. संस्था थोडे मुजतीचे उद्देग संरेखीत पाककला तशेंच गोंय विद्यापिठा कडेन संलग्न पाक वेवस्थापनांतलो तीन वर्सांचो पदवी अभ्यासक्रम घेता. कोवीच्या आव्हानात्मक पांवड्यार टीम आनी विद्यार्थ्यांनी केल्ल्या परिश्रमाचो आमकां अभिमान आसा. भारताक संवसारांतलें पाक कुशळ केंद्र करपाची आमची दृश्टी आसा अशें कामाक्षी ग्रुपाचो सीईओ सिद्धार्थ सावकूर हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.