भांगरभूंय | प्रतिनिधी
भांगरभूंय । प्रतिनिधी
पोरणे गोंयः वेंचून येककूच मतदारांचो विस्वासघात करचे नात अश्या उमेदवारांक पंचायत वेंचणुकेंत वेंचून दियात अशें आवाहन चिखलीचे पॅरीश प्रिस्ट फदर बॉलमॅक्स परेरा हांणी सांबार मतदारांक केलां. उमेदवाराचें पयशे तशेंच हेर हायसांक बळी पडनाकात तशेंच मतांचें विभाजन जावपाक दिनाकात अशें तांणी सांगलां.
पंचायत वेंचणूक पक्षीय पांवड्यार जायनात तेन्ना लोकांनी राजकीय पक्षांक हे वेंचणुके पसून पयस रावपाक सांगपाक जाय अशें आपल्या सेरमावांत फादर परेरा हांणी सांगलां. बऱ्या उमेदवारांक वेंचून दिवपा कडेन मतदारांनी लक्ष दिवपाक जाय. सगल्या धर्मांतल्या मतदारांनी पंचायत वाठारा खातीर कोण बरो हाचो विचार करून उमेदवारांक मतदान करपाक जाय. अश्या वेळार मताचें विभाजन जावून वेगळोच कोण वेंचून येवचो ना हाची जतनाय घेवपाक जाय अशें तांणी सांगलां.
हालींसाराक वेंचून येतकूच उमेदवार मतदारांचो विस्वासघात करून आपलो सुवार्थ सादपा खातीर वावुरतात. पयशां खातीर कितेंय करपी उमेदवार आसतात. ताका वेळार जोखपाक जाय अशें फादर परेरा हांणी सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
