भांगरभूंय | प्रतिनिधी
भांगरभूंय प्रतिनिधी
पणजी ः वेंगुर्लेकार फायन आर्ट सेंटरान इन्स्टिट्यूट मिनेझिस ब्रागांझा हांच्या पालवान फाल्यां, मंगळारा, 21 जूनाक सांजवेळा 4 वरांचेर पणजेच्या वेंगुर्लेकार फायन आर्ट सेंटरांत कवीवर्य शंकर रामाणी हांचे जल्मशती निमतान तांकां आर्गां ओंपपी ‘चित्रांजली’ ही विशेश कार्यावळ आयोजीत केल्या.
हे कार्यावळींत चित्रांच्या माध्यमांतल्यान प्रा. महेश वेंगुर्लेकार, संजय हरमलकार, निरुपा नायक, कालिदास सातार्डेकार, दिलेश हजारे, सिद्धार्थ गायतोंडे, क्रांती च्यारी, लक्ष्मण च्यारी, दीपक च्यारी, सागर मुळे, शिवा साळगांवकार हे नामनेचे चित्रकार आर्गां ओंपतले.
गोवा मराठी अकादमीचे अध्यक्ष आनी कवी, समीक्षक प्रा. अनिल सामंत, ज्येश्ठ चित्रकार प्रा. दत्ता नावेलकार, कवी शंकर रामाणी हांचो सांगात लाबिल्ले नामनेचे कवी माधव बोरकार, रामाणीच्या साहित्याचेर पुस्तक बरोवपी नामनेची कवयित्री डाॅ. अनुजा जोशी आनी रामाणींच्या पत्रां वयल्या पुस्तकाची निर्मिती करपी परेश प्रभू हे मुखेल वक्ते हे कार्यावळींत कवी रामाणी हांचे काव्य प्रतिभेचें शब्दचित्र साकारतले अशें वेंगुर्लेकार फायन आर्ट सेंटराचे संस्थापक प्रा. महेश वेंगुर्लेकार हांणी पत्रकारां कडेन संवाद सादतना सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
