भांगरभूंय | प्रतिनिधी
शिक्षण संंस्थांंनी सौर उर्जे खातीर सोलार पॅनेलः वीज मंत्री ढवळीकार
पणजी : भूंयगत वीज सरयो, घालपाक तशेंच ट्रॉन्सफॉर्मर, स्मार्ट मिटरा सयत वीज सुविधां खातीर केंद्रान गोंयाकं 710 कोटी रुपयांंचो निधी मंंजूर केला. भूंयगत वीज सरयो, ट्रान्सफॉर्मरा खातीर 243 कोटी जाल्यार स्मार्ट मिटरांं खातीर 467 कोटींचो निधी मेळटलो.
वीज मंंत्री सुदिन ढवळीकार हांंणी पत्रकार परिशदेंत ही म्हायती दिली. दिवाळी उपरांंत कामांं सुरू जातलीं. 11 केव्हीच्यो लायनी भूंयगत करपाचो वावर सुरू आसा. हाचे खातीर निधीची गरज आसा. तेे भायर पोरणें ट्रान्सफॉर्मर बदलपाची गरज आसा. नवे ट्रान्सफॉर्मर, 11 केव्ही भूंयगत सरयो, एलटी लायनी हाचे खातीर 243 कोटींचो निधी मंंजूर जाला. हाका लागून सगळीं कामांं सुरू जातली. बरेच ट्रान्सफॉर्मर पोरणें जाल्यात. हाका लागून विजेचो दाब सारको नासता. ट्रान्सफॉर्मर बदलपाची गरज आसा. 11 केव्ही रिंंग मेन बदलपाची गरज आसा. निधी नाशिल्ल्यान ही कामांं करपाक आडखळी येताल्यो.
स्मार्ट मिटरा खातीर 467 कोटी रुपया मंंजूर जाल्यात. ह्या मिटरांंत मिटर डेटा मॅनेजमेंट (एमडीएम) पद्दत आसतली. विजेचो चड वापर वा विजेची चोरी कळपाक स्मार्ट मिटराक लागून मजत जातली.
सौर उर्जा निर्मिती खातीर शिक्षण संंस्थांंनी गेडाच्या सहकार्यान सोलर पॅनल बसोवपाची येवजण आसा. शिक्षण संंस्थांं कडल्यान अर्ज येत आसा. प्रायोगीक तत्वाचेर उत्तर गोंयांंत एक आनी दक्षीण गोंयांंत एक सोलर पॅनल बसयतले. सोलर पॅनला खातीर 50 टक्के निधी गोंय उर्जा प्राधिकरणा कडल्यान (गेडा) मेळटलो.
पणजे जातली सोलर सीटी
गृहनिर्माण वसणुकांंनी सौर उर्जा निर्मिती प्रकल्प जातले. हेर 37 शारांं सयत पणजे सोलर सिटी करपाचो प्रस्ताव आसा.
खण लिजांनी जे खंंदक आसात, तातूंत उदक सांठाेवन वीजनिर्मिती करपाचो प्रस्ताव आसा. ह्या प्रस्तावाचो बिगर सरकारी संंघटणा अभ्यास करतली.
इलेक्ट्रीक वाहनांची खरेदी केल्ल्याक साडे पांच कोटींचें अनुदान दितलें. वीज खात्याक हो निधी मेळ्ळा. दोन सप्तका भितर ताचे वांंटप जातलें, अशें वीज मंत्री सुदिन ढवळीकार हांंणी सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
