भांगरभूंय | प्रतिनिधी
विजेच्या मुळाव्या सुविधांं खातीर 2 हजार कोटींचें रीण
भांगरभूंय I प्रतिनिधी
पणजी : उदकाची पुरवण करपा खातीर भौशीक बांंदकाम खात्यान जायकाच्या रिणान बरेच प्रकल्प चालीक लागतली. भौशीक बांंदकाम खात्या उपरांंत आतां वीज खातें लेगीत जायका कडल्यान रीण घेवन मुळाव्याे सुविधांं उबारतले. वीज खातें जायका कडल्यान 2 हजार कोटींचे रीण घेतलें. फक्त देड टक्के कळंंतरान हे रीण फारीक करचें पडटलें. वीज खात्याचे मंंत्री सुदिन ढवळीकार हांंणी ही म्हायती दिली.
जायकाच्या अधिकाऱ्यांंनी बुधवारा वीज मंंत्री सुदिन ढवळीकार हांंची भेट घेवन चर्चा केली. ह्या वेळार वीज खात्याचे अधिकारी हाजीर आशिल्ले. ह्या वेळार विवीध प्रकल्पांंचेर चर्चा जाली. वीज वाठारांतल्यो मुळाव्यो सुविधा तशेंच वीज प्रकल्पांं खातीर जायका 2 हजार कोटी रुपयांंचें रीण दिवपाक तयार आसा. रीण फारीक करपाचो कार्यकाळ 25 वर्सांचो आसतलो, अशें मंंत्री ढवळीकार हांंणी सांंगलें.
जमनी पोंदच्यान वीज सरयो घालप, नवीं वीज उपकेंद्रां तशेंच ट्रान्सफॉर्मरा खातीर ह्या निधीचो वापर जातलो. पणजे सयत दर्यादेग वाठारांंनी जमनी पोंदच्यान वीज सरयो घालपाचें काम पुराय जालांं. हेर वाठारांतल्यो 33 केव्ही वीज वाहिन्यो जमनी पोंदच्यान घालपाचें काम सुरू आसा. हाचे खातीर निधीची गरज आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
