भांगरभूंय | प्रतिनिधी
भांगरभूंय । प्रतिनिधी
सावयवेरेंः वळपय ग्रामपंचायतीच्या सरपंचपदार विनय वेंगुर्लेकार हांची तिसरे फावट बिनविरोध निवड जाली. सरपंच जावपी ही तांची तिसरी खेप आसा. हाचे पयलीं 2007 आनी 2012 वर्साच्या कार्यकाळांत ते सरपंच आशिल्ले. मिताली शेट हिचीय उपसरपंच म्हणून विरोधाविणे निवड जाली.
वेंगुर्लेकार हांचें नाव सरपंचपदा खातीर नीळकंठ नायक हाणी सूचयलें आनी मिताली शेट हिणे ताका अनुमोदन दिलें. मिताली शेट हाचें सूचक नीळकंठ आनी अनुमोदक अंजली वेंगुर्लेकार आशिल्ली. निर्वाचन अधिकारी म्हणून चेतन कुंकळ्ळकार हांणी काम पळय़लें. पंचायत सचीव दिव्या सुर्लकार हिणे ताका मजत केली.
वेरें- वाघुर्मे सरंपचपदार शोभा पेरणी
वेरें- वाघुर्मे पंचायतीच्या सरपंचदार शोभा पेरणी आनी उपसरपंचपदार बाबू गावडे हांची बिनविरोध निवड जाली. दोनूय पदां खातीर तांचेर अर्ज आयिल्ल्यान वेंचणुके विणे ही निवड जाली. सात पंच वांगड्यांच्या हे पंचायतींत सरपंचपद बायलां खातीर राखीव आसा. तीन बायलो पंच म्हणून वेंचून आयल्यात. निर्वाचन अधिकारी म्हणून प्रज्योती गावडे हिणे काम पळयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
