भांगरभूंय | प्रतिनिधी
खबरां संस्था
अहमदाबादः भारतांत सुरू आशिल्ल्या वन-डे वर्ल्ड कपाक लोकांचो भरपूर प्रतिसाद मेळत आसा. आतां मेरेन 18 मॅचीं 5.42 लाख क्रिकेट मोगींनी स्टेडियमांनी येवंन पळयल्यात, फाटल्या वर्ल्ड कपा मजगतीं इतल्याच मॅचींक 1.90 लाख प्रेक्षकांनी हाजेरी लायिल्ली. आतां मरेन वट्ट 36.42 कोटी प्रेक्षकांनी टीव्हीचेर थेट प्रक्षेपण पळयलां.
भारत- पाकिस्तान हांचे मदीं 14 ऑक्टोबराक अहमदाबादाक नरेंद्र मोदी स्टेडियमाचेर जाल्ली मॅच 7.6 कोटी प्रेक्षकांनी टीव्हीचेर आनी 3.5 कोटी प्रेक्षकांनी मोबायलार पळयल्ली. 22 ऑक्टोबराक धर्मशाला हांगा भारत आनी न्यूझिलंड हांचे मॅचीत संवसारीक विक्रम जालो. ही मॅच 4.3 कोटी प्रेक्षकांनी मोबायलार पळयली. मोबायलाचेर मॅच पळोवपाच व्हो विक्रम आसा.
ब्रॉडकास्ट ऑडियन्स रिसर्च कावंन्सील (बार्क)च्या आकड्यां प्रमाण आतां मेरन 18 म्रची टीव्हीचेर 12,380 कोटी मिनटा लायव्ह पळय़ले गेले. 2019 वर्सा इंग्लंडांत आनी फाटल्या वर्ल्ड कपा परस हें प्रमाण 43 टक्के चड आसा. डिजिटल वांट्याचे नदरेन आयसीसीचो वर्ल्ड कप 2022चो आनी टी-20 वर्ल्ड कपाचोय विक्रम भारतांल्या वन-डे वर्ल्ड कपान मोडला. टी-20 वर्ल्ड कपाक 658 कोटी व्हिडिओ व्ह्यूज मेळल्ले. आतां 664 कोटी व्हिडिओ व्ह्यूज मेळ्ळ्यात. हे टी-20 वर्ल्ड कपा परस 127 टक्के आनी 2019च्या वर्ल्ड कपा परस 314 टक्के चड आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
