भांगरभूंय | प्रतिनिधी
मुरगांवः आयतारा 13 नोव्हेंबराचे राती वास्को तीन चार चाकी गाडयो फोडल्यो. ह्या प्रकरणांत वास्को पुलीस स्टेशनांत अज्ञाता आड कागाळ दाखल केल्या.
घडणुकेचे सुवातेचेर दुबाविताचो मोबायल फोन सांपडला, पूण ताका ताब्यांत घेवपाक सोमारा रातीं उसरां मेरेन पुलिसांक येस मेळूंक नाशिल्लें. वास्कोच्या श्री दामोदर देवळा कुशीक उबीं केल्लीं वास्कोचे यशोदा एंटरप्रायजेस हे गॅस एजन्सीच्यो सिलिंडर व्हरपी दोन गाडयो आनी आनीक एका चारचाकीचें व्हड फातरान हारशे फोडले. सोमारा सकाळीं हो प्रकार नदरेक पडलो. गॅस एजन्सीच्या धनयान हाची खबर वास्को पुलिशेक दिताच ते घडणूक थळाचेर पावले आनी तांणी पंचनामो केलो. तांकां थंय एक मोबायल फोन सांपडला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
