भांगरभूंय | प्रतिनिधी
भांगरभूंय । प्रतिनिधी
वाळपयः सत्तरींतल्या भुरग्यां मंदीं बुद्दिबळ खेळाची आवड तयार करपा खातीर वाळपयचें हेडगेवार शाळा आनी सत्तरी तालुको बुद्दिबळ असोसिएशनान दिवाळेचे सुटयतेंत हेडगेवार शाळेंत 6 दिसांचो बुद्दिबळ प्रशिक्षण वर्ग सुरू केला. शाळा वेवस्थापनाचो अध्यक्ष डॉ अशोक आमशेकार हांणी ताचें उक्तावण केलें. ह्या वेळार सत्तरी बुद्दिबळ असोसिएशनाचो अध्यक्ष कालिदास हरवळकार, बुद्दिबळ प्रशिक्षक मिलिंद गावडे, गिऱीश गाडगीळ, प्रकाश गाडगीळ हाजीर आशिल्ले.
बुद्दिबळ खेळ भुरग्यांनी खेळपाक जाय. ताका लागून बुद्दी तल्लख जावपाक मजत जाता अशें डॉ आमशेकारान सांगलें. मिलिंग गावडे हांणी भुरग्यांक संवसारीक नामनेच्या खेळगड्यांची म्हायती दिली. उक्तावण कार्यावळीक पालक, शि7क आनी साबार लोक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
