भांगरभूंय | प्रतिनिधी
पणजी, प्रतिनिधी : म्हादय अभयारण्य आनी हेर वाठार वाग वाठार अधिसूचित करपा खातीर खंडपीठान दिल्ली 3 म्हयन्यांची मुजत सोंपले उपरांत गोंय सरकारा आड अवमान याचिका दाखल जाल्या. तिचेर खंडपीठांत बुधवारा सुनावणी जातली. एके बिगर सरकारी संघटनेन ही अवमान याचिका घाल्या.
म्हादय आनी हेर वाठार वाग वाठार अधिसूचित करचो, असो आदेश खंडपीठान 24 जुलयाक दिल्लो. ताका गोंय सरकारान सर्वोच्च न्यायालयांत आव्हान दिलां. थंय आव्हान याचिकेचेर एक फावट सुनावणी जाल्या. न्यायालयान नोटीसो जारी केल्यात, पूण खंडपीठाच्या आदेशाक स्थगिती दिवंक ना. हाका लागून खंडपीठाचो आदेश कायम आसा. अधिसुचोवणे खातीर खंडपीठान दिल्ली मुजत 24 ऑक्टोबराक सोंपली. अधिसूचोवणी जारी करपा खातीर 3 म्हयन्यांची मुजत वाडोवन दिवची,अशी मागणी करपी अर्ज गोंय सरकारान खंडपीठात दाखल केला. या अर्जाचेर आजुन निर्णय जावंक ना. तो प्रलंबित आसतना सरकारा आड अवमान याचिका दाखल जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
