भांगरभूंय | प्रतिनिधी
म्हापशें, प्रतिनिधी ः आयज सकाळीं सुमार ६ वरांचेर वागातोर दर्यांत जीवन दत्ता (32, दिल्ली) हाका बुडून मरण आयले. जीवन दत्ता हो ‘मीस मार्गारिटा’ रियोर्टात मॅनेजराची नोकरी करतालो.
दत्ता आपल्या दोन सहकाऱ्यां वांगडा दर्यादेगेर सकाळीं मॉर्निंग वॉकाक गेल्लो. त्या वेळार तो न्हावपाक उदकांत देंवलो आनी बुडलो. तें पळोवन एक परकी पर्यटकांन उदकांत उडी मारून बुडपी दत्ताक भायर काडलो. उपरांत रोखडोच ताका खाजगी वाहनांतल्यान वागातोरच्या खाजगी हॉस्पिटलांत दाखल केलो. पूण, दोतोरांनी ताका थंय मरण आयिल्ल्याचे जाहीर केले.
हणजूण पुलिसांनी घडणुकेचो पंचनामा करून मडें पोस्टमार्टमा खातीर जीएमसींत धाडलां. फुडलो तपास पुलीस उपनिरिक्षक स्नेहा सावळ करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
