भांगरभूंय | प्रतिनिधी
झाड स्वता सुर्याक उबें रावून येवपी सगळ्यांक समान सावळी दिता. सावळी दितना तें केन्नाच पापी आनी सद्गुणी, संत आनी लुटमार, राजा आनी पद, दादले- बायल, जाती, धर्म, रंग आदी हांचे मदीं केन्नाच भेद करिना. हेर घटक जशे की जमीन, उदक, वारो, सूर्य, पावस, फळां आनी फुलां, सूर्य, चंद्र, दीस-रात भेद करिनासतना दितात. म्हाका दिसता आमचो रगत गट खंयचोय आसूं, आमचे विचार – उलोवप – वागणूक गट सकारात्मक दवरपाचो यत्न करचो पडटलो.
आतां कोणाकूय प्रस्न पडटलो की आमी खंयचोय आंबो खावपाचो ना जाल्यार तो जमनींत कित्याक घालचो…पूण आयज तो खाता तो आंबो आवय- बापायन लायल्लो. नाजाल्यार ताका खावपाक कसो मेळटलो आसलो? .. हो विचार येवप म्हत्वाचें. बीं घाले उपरांत कांय काळा उपरांतच फळां जातात, हो सैमाचो सादो नेम. आमी फकत इतले संकुचीतपणान विचार करतात की वागणूक तशीच उरता.
केन्ना केन्ना आमी अशे तरेन वागतात की आमी आमच्याच वेळार नात. वस्तू सांबाळून दवरतात आनी लोक वापरतात… आमी वस्तूं खातीर न्हय पूण वस्तू आमचे खातीर… आमचो जिणेचो दर्जो सोंसपा खातीर विकतें घेतिल्लीं वस्तू त्या खातीर वापरपाच्यो न्हय मागीर तीं कित्याक विकतीं घेवची… पूण म्हाका दिसता.. नवी वस्तू परतून विकती घेवंक मेळटात.. पूण मनीस हाडूंक मेळना.. ताचें मोल व्हडलें.
जिवितांत येवपी प्रस्नांची जाप सोदपाक जिवीत कशें वता? दरेकल्याक खिणाक खिणाक रंग बदलपी जिवीत आसता. आमच्या जिविताची निर्मिती भुरगेपणांतल्यान आमचे कडेन आशिल्ले संस्कृतायेचेर जितलें आदारून आसता तितलेंच म्हत्व आमच्या जिवितांतल्या लागींच्या साथीदारांच्या सांगाताचेर आदारून आसता.. सैमाच्या दर एका घटका वयल्यान खूब कितें शिकपाक मेळटा.
गौरी भालचंद्र
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
