भांगरभूंय | प्रतिनिधी
गोंयांतल्या 25 तरणाट्यांक दिली नेमणूक पत्रां
भांगरभूंय I प्रतिनिधी
पणजी : आयच्यान दर म्हयन्याक देशांतल्या 75 हजार तरणाट्यांक नोकऱ्यो दितले. वर्सभरांत 10 लाख नोकऱ्यो दिवपाचे प्रधानमंत्री नरेंद्र मोदी हांचें ध्येय आसा. शेनवारा आयोजीत रोजगार मेळाव्याच्या शुभारंभा वेळार केंद्रीय मंत्री श्रीपाद नायक हांणी म्हायती दिली.
जून 2022त मोदी हांणी देशांतल्या तरणाट्यांक फुडल्या 18 म्हयन्यांत 10 लाख नोकऱ्यो दिवपाचे जाहीर केल्ले. काल हे कार्यावळीक सुरवात जाली. देशांत सगल्यां राज्यांनी नोकऱ्यांचे वांटप केलां.
बँक, शिपयार्ड, पोस्ट ऑफीस आनी विवीध विभागांत नोकऱ्यो दितल्यो. सरकारी तशेंच खाजगी क्षेत्रांतूय नोकऱ्याे उपलब्ध करून दितले, अशें श्रीपाद नायक हांणी म्हणलें.
गोंयांतल्या 25 तरणाट्यांक काल नेमणूक पत्रां दिली. कांय जाण हे कार्यावळीक हाजीर रावंकत ना, तांकां तांच्या घरां नेमणूक पत्रां धाडटले, अशें तांणी सांगलें.
भाजप प्रदेशाध्यक्ष सदानंद शेट तानावडे हांणी सांगलें, मोदी हांचो दिश्टीकोण सर्वसमावेशक आसा. विरोधकांक प्रत्यक्ष कृतींतल्यान जे उतर मेळपाचे आसा ते मेळ्ळां. देशाचो कारभार बरे पद्दतीन सुरू आसा. फुडल्या काळांत चडांत चड तरणाट्यांक नोकऱ्यो दिवपाचें तांचें सपन आसा.
हे कार्यावळीक पर्यटन मंत्री रोहन खंवटे हाजीर
आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
