भांगरभूंय | प्रतिनिधी
आयज गोंयभर वडाची पुनव मनयतात. ह्या दिसा बायलां बरी न्हेसून लागीं आशिल्ल्या वडा कडेन वचून उमेदीन झाडाची पुजा करतात. वडाचा पानांचे दोणे करून तातुन पांच तरेचीं फळां (फोडी) घालून एकामेकांक दितात.
म्हज्या मतान गोंयांत वड खूब कमी प्रमाणांत पळोवपाक मेळटात. आमच्या पूर्वजांनी खूब वड पळयल्यात आसतले. आमका वडाचें झाड म्हणल्यार कितें तें खबर आसा, मात ताचें दर्शन सट करून जायना. वड आमच्या जिवीतांत म्हत्वाचो. हें झाड मोठ्या प्रमाणांत आमका प्राणवायु दिता…हे सगलें आमी जाणाच आसतलीं न्हय??
देवस्थान, घुमट्यो, राखणदारांचे जागे सोडल्यार वड कमी जायत आसात. फुडल्या पिळग्यांक हें झाड पळोवपाक तें आसा थंय वच्चें पडटलें. घडये, ताका वड म्हणल्यार कितें तें खबरुय नासतलें. तें कशे दिसता तें इंटरनॅटाचेरुच दाखोवचें पडटले !!
वडाचें पुनवेक उमेदीन वडाची पुजा आम्ही करुयाच. पूण तेच उमेदीन सगळीं जाणां एक -एक वडाचें रोंप लावया. जांचीं भाटां आसात, व्हडली जमीन आसा, तांणी तर तें लावचेंच. देवस्थान समितींनूय विचार करचो. मागीर आमका सगळ्यांक खूब प्राणवायु मेळटलोच आनी गोंयांत वडांचो आंकडोय वाडटलो. फुडल्या पिळग्यांक वड पयस वचनासतना पळोवपाक मेळटले.
स्नेहल कारबोटकार
9373379263
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
