भांगरभूंय | प्रतिनिधी
भांगरभूंय । प्रतिनिधी
काणकोणः माशें क्रिकेट क्लबाचे 41वे नंदा लोलयेंकार क्रिकेट सर्तीची फायनल आयतार 8 जानेवारीक सकाळीं 10.30 वरांचेर दापट- मासे हांगच्या निराकार मैदानार जातली. पोळें क्रिकेट क्लब आनी आर्लेम स्पोर्ट्स क्लब हाचें मदीं फायनल जातली.
गोंय क्रिकेट असोसिएशना कडेन सलंग्न आशिल्ल्या पंगडा खातीर आशिल्ली ही सर्त फाटल्या तीन म्हयन्यां सावन निराकार मैदानार सुरू आशिल्ली. मॅची दर आयतार आनी हेर सुटयेच्या दिसांनी जाताले. फायनली उपरांत जावपी इनाम भेटवण कार्यावळीक गोंय क्रिकेट असोसिएशनाचो अध्यक्ष विपुल फडके मुखेल सोयरो म्हणून हाजीर रावतलो. सचीव रोहन देसायस, उपाध्यक्ष शांबा देसाय, भांडारी दया पागी, कॉमनवेल्थ डेव्हलपर्साचो संचालक चिराग नायक खासा सोयरे आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
