भांगरभूंय | प्रतिनिधी
नवी दिल्ली, खबरां संस्था ः काँग्रेस राष्ट्रीय समितीन शुक्रार- शेनवार (२९- ३० डिसेंबर) मॅरेथॉन विचारमंथन सत्र आयोजीत केल्लें. हातूंत पक्षान १० राज्यांतल्या आपल्या प्रदेशाध्यक्ष आनी विधिमंडळ पक्षाच्या फुडार्यांक सांगलें की, पक्ष २९१ जाग्यांचेर स्वबळार वेंचणूक लढटलें. काँग्रेस इंडिया मुखारच्या ९ राज्यांतल्यान ८५ जाग्यांची मागणी करतलें.
समितीचे बसकेंत बिहार, बंगाल, झारखंड, दिल्ली, पंजाब, महाराष्ट्र, तामिळनाडू, केरळच्या फुडार्यांक सांगलां, लोकसभेचें चित्र लक्षांत घेवन भारत ब्लॉकांत जागे वाटपाचो निमाणो निर्णय घेतले अशें सांगलें.
तशेंच काँग्रेसीन मुखेल पक्षांकडेन समन्वय करपा खातीर कांय निकश थारायल्यात. ते प्रमाण फाटले वेंचणुकेंत दुसरे व्हडले लोकसभेंत काँग्रेसीच्या उमेदवाराचेर कसलीच तडजोड जावची ना. २०१४ वर्सा सावन दोन लोकसभा आनी विधानसभा वेंचणुकेच्या निकालाच्या आदाराचेर पक्ष सुवात मागतलें.
ह्या जाग्यांचेर काँग्रेस एकटेंच लढटलें
पुर्वेचीं राज्यां आनी संघराज्य प्रदेशांत २० जागे आसात. आंध्र प्रदेश, आसाम, गुजरात, हरियाणा, हिमाचल, कर्नाटक, केरळ, मध्य प्रदेश, ओडिशा, राजस्थान आनी तेलंगण- उत्तराखंडांत २२ जागे आसात.
राज्य जाग्यांचेर दावो
बिहार ९
दिल्ली ५
पंजाब ८
तामिळनाडू १०
यूपी १०
पश्चिम बंगाल ५
जम्मू आनी काश्मीर ३
महाराष्ट्र २६
वट्ट ८५
१४ जानेवारी पयलीं जागेवाटप
काँग्रेसीचे अध्यक्ष मल्लिकार्जुन खरगे जानेवारीच्या पयल्या सप्तकांत आपल्या प्रतिनिधींचो निर्णय घेतले आनी भारताच्या उरिल्ल्या फुडार्यां कडेन चर्चा करतले. राष्ट्रीय समिती आपलो अहवाल काँग्रेसीचो अध्यक्ष मल्लिकार्जुन खरगेक सादर करतले.
खरगे हांणी ४ जानेवारीक प्रदेश काँग्रेस अध्यक्ष आनी विधिमंडळ पक्ष फुडार्यांची बसका आपयल्ली. पक्षाच्या वेंचणूक जाहीरनामो समितीची बसकाय त्याच दिसा जातली. १४ जानेवारी सावन राहुल गांधींच्या भारत न्याय यात्रे आदीं जागे वाट्टले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
