भांगरभूंय | प्रतिनिधी
दामोदर मावजोः संपदा कुंकळकार हांच्या ‘जीवन योग’ पुस्तकाचें प्रकाशन
भांगरभूंय । प्रतिनिधी
फोंडें: आपल्या विचारांचेर निश्ठा आनी कर्तुत्वाचेर विस्वास आसत जाल्यारूच एक उत्कृश्ट लेखक घडूं येता. लेखकाक सदांच बरें आनी वायट हाची जाणीव आसपाक जाय, अशें मत ज्ञानपीठ पुरस्कार जोडपी ज्येश्ठ लेखक दामोदर मावजो हांणी उक्तायलें.
संपदा कुंकळकार हांच्या ‘जीवन योग’ ह्या पुस्तकाचें प्रकाशन दामोदर मावजो हांचे हस्तुकीं बांबोळकार आर्ट गॅलरींत जालें. ह्या वेळार माचयेर साहित्य अकादेमी पुरस्कार जैतिवंत लेखक देविदास कदम, ज्येश्ठ रंगकर्मी श्रीधर कामत बांबोळकार तशेंच लेखिका संपदा कुंकळकार, ज्योती कुंकळकार, आशा सांवड्डेंकार आनी डॉ. मनोज कामत हाजीर आशिल्लें.
देविदास कदम हांणी सांगलें, विचारांची बैठक घट्ट आसत जाल्यार साहित्य निर्मणी तितलीच बरी जाता. लेखका मदीं संवेदवशीलता, निरिक्षण शक्त, कल्पनाशक्त आनी तर्कशुध्द लेखन हे गूण आसपाक जाय.
श्रीधर कामत बांबोळकार हांणी येवकार दिलो जाल्यार सुत्रसंचालन ज्योती कुंकळकार हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
