भांगरभूंय | प्रतिनिधी
खबरां संस्था
मॉस्कोः रशियांतले एके बुद्दिबळ सर्ती मजगतीं एका रोबोटान 7 वर्सां पिरायेच्या भुरग्याचें बोट मोडलें. ख्रिस्तोफर अशें ह्या भुरग्याचें नांव आसा. मॉस्कोंत 19 जुलय सावन सुरू आशिल्ले उक्ते बुद्दिबळ सर्तींत तो वांटो घेतला. हे संबंदीचो व्हिडिओ सध्या सामकार आयला.
रोबोटाची चाली पयलीं ख्रिस्तोफर आपली चाल खेळटना रोबोटाच्या हातांत ताचें बोट आडकला अशें दिसतालें. शेजरा उबे आशिल्ले लोक त्या भुरग्याचें बोट रोबाटा पसून सोडयतना यत्न करतना व्हिडिओत दिसता. रशियन बुद्दिबळ संघटनेचो उपाध्यक्ष सर्गेई स्मागिन हांणी रोबोटान भुरग्याचें बोट तोडलें, ताणे थारिल्ल्या वेळा पयलीं आपली चाल खेळपाक सुरवात केल्ल्यान रोबोटान हें केलें अशें न्यूज वीकाक सांगलां.
अशें केन्नाय घडटा, म्हजे म्हायती प्रमाण ही पयलीच खेप आसा. भुरग्याचे दुखापती विशीं उलयतना हुस्को करपा सारकें कांय ना. दुखापती उपरांत तो खेळपाक शकता अशें अशें स्मागिन हांणी सांगलें. ख्रिस्तोफर हो मॉस्कोंतल्या 9 वर्सां सकयल्या 30 नामनेच्या खेळगड्यांतलो एक आसा. ताचें बोट तुटलें ना जाल्यार ताचेर ओरखडे पडल्यात.
ख्रिस्तेाफराच्या पालकांनी हे घडणुके आड मॉस्को फिर्यादी कार्यालयात वचपाचो निर्णय घेतला अशी म्हायती रशियन प्रसार माध्यमांनी दिल्या. आमी हें प्रकरण सुटावे करून त्या भुरग्याक जाता ती सगली मजत करतले अशें रशियन बुद्दिबळ संघटनेन सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.