रोझरी उच्च माध्यमीक वस्ताद

भांगरभूंय | प्रतिनिधी

नावेलीच्या रोझरी उच्च माध्यमीक हायस्कुलान खेळां आनी युवा वेव्हार संचालनालयाच्या 17 वर्सां पिराये सकयले फुटबॉल सर्तीचें वस्तादपण जोडलें. बांबोळीच्या अॅथलेटीक स्टेडियमाचेर जाल्ले ताणें म्हापशेंच्या सेंट झेवियर्स उच्च माध्यमिकाक 7-0 अशा व्हडा फरकांनी हारयलें.

रोझरी उच्च माध्यमिकान दोनूय अर्दांत आपलो शेक दवरलो. स्वेलेन फर्नांडीसान हॅट्रीक केली. जाल्यार लिलियन फर्नांडीस, वेलिंदा डिसिल्वा, पालोमा पिरीस आनी रेयनेल डायस हांणी दरेकी एक गोल केलो.