भांगरभूंय | प्रतिनिधी
मडगांव, प्रतिनिधी ः कोचुवेल्ली इंदोर एक्सप्रेसांत नेण्टे चलयेचो विनयभंग करपाचो यत्न केल्ल्या दुबावित इब्राहिम कुंजी मोहम्मद (49) हाका कोंकण रेल्वे पुलिसांनी अटक केल्या. ही घडणूक मुर्डेश्वर वाठारांत घडिल्ल्यान दुबाविताक फुडले कारवाय करपा खातीर मुर्डेश्वर पुलिसांच्या ताब्यांत दिला.
पुलिसांच्या म्हायती प्रमाण, केरळांतल्या कालिकत शारांत रावपी दुबावीत इब्राहिम कुंजी मोहम्मद हाणें नेण्टे चलयेचो विनयभंग केलो. घडणुके उपरांत चलयेन बोवाळ करतकच प्रवाशांनी दुबाविताक धरलो. मागीर कोंकण रेल्वे पुलिसांक हे विशीं म्हायती दिली. पुलीस निरिक्षक सुनील गुडलर हांच्या मार्गदर्शना खाला पंगडान दुबावीत इब्राहिमाक अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
