रेंव, चिऱ्यांचे येरादारीक आतां एकूच परवानो

भांगरभूंय | प्रतिनिधी

खण खात्याच्या संकेतथळार अर्ज उपलब्ध

भांगरभूंय I प्रतिनिधी
पणजी : रेंव, चिरे, खडी, ग्रॅनायट ह्या बांंदकाम म्हालाचे येरादारी खातीर एकत्रीत ऑनलायन ट्रान्झीट परवाने दिवपी पद्दत सुरू जाल्या. एकाच वाहनाच्या सगल्यां ट्रिपीं खातीर आतां एकूच ट्रान्झीट परवानो मेळटलो.
दरेका ट्रिपी खातीर स्वतंंत्र ट्रान्झीट परवानो घेवप आडखळीचे थारता. हाका लागून एकाच मनशाच्या वा एकेच कंंपनीच्या जायत्या ट्रिपीं खातीर एकत्रीत (बल्क) ट्रान्झीट परवानो दिवपी पद्दत सुरू जाल्या. हातान परवानो दिवपाची पद्दत 14 ऑक्टोबर मेरेन सुरू उरतली. उपरांंत फक्त ऑनलायन ट्रान्झीट परवानो मेळटलो. खण खात्याच्या संंकेतथळाचेर अर्जा सयत कागदपत्रांं सादर करचीं. ऑनलायन शुल्क भरचें. गाडयेचो नंंबर, म्हालाचो प्रकार, म्हालाचें प्रमाण हाचे म्हायती सयत ट्रिपींचो आंकडो नमूद करचो. राज्यांत रेंव तशेंच चिऱ्यांचो उणाव आसा. पुरवणेचे तुळेंत रेंवेची मागणी वाडिल्यान रेंवेचो दर वाडलां. रेंवेच्या येरादारींत दलाल
तशेंच माफियांंचो घुस्पल्यात. रेंव, चिरे, ग्रॅनायट, मार्बल हांंची येरादारी करपी वाहनांंचे परवाने चेक नाक्याचेर तपासचें, अशें निर्देश खण खात्यान येरादारी खात्याक दिल्यात.
. ज्या वाहनांंधारकां कडेन त्या त्या राज्याचो परवानो आसा तांंचे कडेन गोंय सरकारच्या खण खात्याचो ट्रान्झीट परवानो आसप गरजेचो. हे विशींची अधिसुचोवणी हाचे पयलीच जारी जाल्या. ट्रान्झीट परवानो नासत जाल्यार राज्यांत रेंव हाडपाचेर बंंदी आसा. चेक नाक्याचेर येरादारी खात्याच्या अधिकाऱ्यांंनी संबंंदीत राज्याच्या परवान्याची तपासणी करची. ह्या परवान्याची एक प्रत दवरून चालकाचें नांव आनी मोबायल नंंबर नोंद करून दवरचो. वाहनाचो फोटे काडचो. उपरांंत खण खात्यान दिल्लो ट्रान्झीट परवानो संंबंंदीत वाहनाक दिवचो. संंबंंदीत राज्याचो परवानो नासत जाल्यार ट्रान्झीट परवानो दिवचो न्हय, अशें आदेश येरादारी खात्याक दिल्यात.
चवथी वेळार कुडचड्यार बेकायदाे रेंव काडटना एकल्याचेर फारपेट जाल्ली. हातूंत एकल्याक मरण आयिल्लें. बेकायदाे रेंवेच्या येरादारीचेर नियंत्रण दवरपाक चेक नाक्यांचेर खर तपासणेचे आदेश खण खात्यान दिल्यात.