भांगरभूंय | प्रतिनिधी
भांगरभूंय । खबरां मेज
पणजी : रिलायन्स ब्रॅण्ड्स लिमिटेडान (आरबीएल) नामनेचो फूड चेन ब्रँडा ‘प्रॅट ए मोंजेएर’ कडेन भागीदारी जाहीर केल्या. भारतीय बाजारांत ‘प्रॅट ए मोंजेएर’ ब्रँड घटमूट करपा खातीर दोनूय कंपनीं एकठांय येवन वावर करतल्यो. ताजें जेवण आनी ऑर्गेनिक कॉफी खातीर प्रॅट ए ह्या फ्रॅंचायजी भागीदारी वरवीं आतां रिलायन्स ब्रँड्स देशभरांतल्या मुखेल शारांनी अन्न साखळी उगडटलें.
प्रॅट ए मोंजेएरचें पयलें खाणां-जेवणाचें दुकान 1986 वर्सा लंडनांत सुरू जालें. जंय ताजें रेडी टू ईट जेवण दिताले. सध्या ह्या ब्रँडाचे 9 देशांनी 550 खाणां-जेवणाचे स्टोर आसात. दुसरे वटेन रिलायन्स ब्रँड्स ही कंपनी भारतांतली सगळ्यांत व्हडली लक्झरी आनी प्रीमियम रिटेलर म्हणून वळखतात. फाटल्या 14 वर्सांत कंपनीन संवसारभर ब्रँड तयार केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
