भांगरभूंय | प्रतिनिधी
पणजी, बातमीदार : दिल्ली, गुजरात, कोलकात्ता, तामिळनाडू, मध्य प्रदेश आनी महाराष्ट्रांत जावपी ६७ व्या शालेय खेळां फॅडरेशनाचे राष्ट्रीय सर्तींनी गोंय राज्याचें प्रतिनिधित्व करपा खातीर खेळगड्यांच्या पंगडांची निवड करपाक खेळां आनी युवा वेव्हार संचालनालयान सकयले प्रमाण निवड चाचण्यांचें आयोजन केलां.
बॅडमिंटन अ- १७ (चले आनी चलयो) १ आनी २ डिसेंबर २०२३ दिसा मनोहर पर्रीकर स्टेडियम, नावेली, योगासन अ-१९ (चले आनी चलयो) ५ डिसेंबर २०२३ दिसा इनडोर हॉल, कांपाल-पणजी, टेबल टॅनीस अ- १९ (चले आनी चलयो) १ डिसेंबर २०२३ दिसा इंडोर हॉल, कांपाल-पणजी, बुद्दीबळ अ-१४ (चले आनी चलयो) १२ आनी १३ डिसेंबर २०२३ दिसा मनोहर पर्रीकर स्टेडियम, नावेली, तिरंदाजी अ-१७ (चले आनी चलयो) १ आनी २ डिसेंबर २०२३ दिसा, फोंडें खेळां प्रकल्प हांगा निवड चाचणी जातली.
हे निवड चाचणी खातीरचे प्रभारी अधिकारी तुळसीदास देसाय- ९९२३५ ००५१९, अनंत सावळ- ९९७५१ २००४९, संजय शिरोडकार – ९५१८७ ५३६३०, मंथन आडपयकार – ८०८०० २७०३४, रोहिदास घाडी – ९०४९९ २१२२८ आनी शैलेश गांवकार – ८७८८५ २२७०० हे आसात.
निवड चाचणीक हजर रावपी खेळगडो शाळा/ ज्युनियर कॉलेजीचो नियमीत विद्यार्थी आसपाक जाय. खेळगड्यांनी वयल्या संबंदीत तारखेच्या दिसा आनी थळार सकाळीं ९ वरांचेर प्रभारी अधिकार्यां कडेन आपले शाळेचे वळखपत्र/ स्पोर्ट्स कार्ड आनी ३ पासपोर्ट आकाराच्या फोटो सयत संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
