भांगरभूंय | प्रतिनिधी
भांगरभूंय प्रतिनिधी
गुळेली ः खडकी-सत्तरींतल्या श्रीराम हायस्कूलाची विद्यार्थिनी प्रेरणा पांडुरंग गांवकार हिची राष्ट्रीय गुणवत्ता शिश्यवृत्ती पात्रताय परिक्षेंत निवड जाल्या.
प्रेरणा खडकींतल्या श्रीराम हायस्कूलांत आठवे यत्तेंत शिकता. नॅशनल मीन कम मेरिट स्काॅलरशीप हे येवजणे अंतर्गत एस. सी. ई. आर. टी. गोंय हांणी घेतिल्ले परिक्षेंत हे विद्यार्थिनीची 2021-22 वर्सा खातीर निवड जाल्या.
प्रेरणा गांवकार ही ग्रामीण वाठारांतली आसा. हे तरेचे शिश्यवृत्तीक पात्र थारिल्ले खातीर संस्थेचे अध्यक्ष, हेर संचालक मंडळ, मुख्याध्यापक शिवाजी देसाय, पालक शिक्षक संघ, शिक्षकेतर कर्मचारी आनी वेवस्थापन समिती हांणी तिचें कवतूक आनी अभिनंदन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
