भांगरभूंय | प्रतिनिधी
-मुख्यमंत्र्यांचो उलो, खेळां सर्तीच्या मशालीचें अनावरण
पणजी : राष्ट्रीय खेळां सर्तीच्या निमितान फक्त खेळगड्यांकूच न्हय, जाल्यार सामान्य गोंयकारांक व्हड संद मेळ्ळ्या. सगल्यांनी हे संदीचो लाव घेवचो, असो उलो मुख्यमंत्री डॉ. प्रमोद सावंत हांणी मारला. शुक्रारा पणजे सर्तीच्या मशालीचें आनी थीम साँगाचें अनावरण जालें. हे कार्यावळींत मुख्यमंत्री उलयताले. ह्या वेळार राज्यपाल पी. एस. श्रीधरन पिल्लई, खेळां मंत्री गोविंद गावडे, केंद्रीय मंत्री श्रीपाद नायक आनी मानेस्त हाजीर आशिल्ले.
गोंय मुक्ती उपरांत पयलेच खेपे राष्ट्रीय खेळां सर्ती आयोजीत करपाची संद मेळ्ळ्या. शेंकड्यांनी खेळगडे सर्तींत वांटेकार जातले. नागरिकांनी आवडट्या खेळां प्रकाराक तेंको दिवन खेळगड्यांक उर्बा दिवपाक जाय. कांय जाणांक आपसेवक म्हूण संद मेळटली. ‘आमची माती, आमचें गोंयकार, आमची उदरगत’ ह्या धोरणा प्रमाण ही सर्त येसस्वी करपाक सगल्यांनी उर्बा दिवप गरजेचें. हेर राज्यां परस गोंयांत इव्हेंट बरे जातात. मुख्य सर्तीचें आयोजन निश्चीत संस्मरणीय आसतले, असो अामकां विस्वास आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
