भांगरभूंय | प्रतिनिधी
पणजी, प्रतिनिधी : 37 वे राष्ट्रीय खेळां सर्तीची तयारी पुराय जायत आयल्या. बिरेस्तारा सांजे फातोर्डा नेहरू स्टेडियमाचेर प्रधानमंत्री नरेंद्र मोदी हांचे हस्तुकी सर्तीचें उक्तावण जातलें. 9 नोव्हेंबर मेरेन 28 थळांचेर खेळा सर्त जातली.
उक्तावण सुवाळ्याक लागून फाल्यां दनपारा एका उपरांत सरकारी कार्यालयां बंद आसतलीं, असो आदेश जारी जाला. खेळां सर्तीची तयारी पुराय जाल्या. उक्तावण सुवाळ्याक 12 हजार लोक हजर आसतले. सुवाळ्याचे थेट प्रक्षेपण अडेच लाखां वयर लोक पळयतले. प्रधानमंत्र्यांच्या सुरक्षा वेवस्थेक लागून कोणाक कसलीच आडखळ जावची ना, असो विस्वास मुख्यमंत्री सावंत हांणी उक्तायलो. उक्तावण सुवाळ्याक मोदी हांचे सयत खेळा मंत्री अनुराग ठाकुर आनी तीन राज्यांचे मुख्यमंत्री, खेळामंत्री हाजीर रावतले, अशें डाॅ. सावंत हांणी सांगलें. खेळगडे रावपाची हॉटेलां, येरादारी वेवस्था तशेच सर्तीच्या थळांचेर कडक सुरक्षा वेवस्था आसतली. खेळगडे आनी खेळांमोगींची कसलीच गैरसोय जावची ना, असो विस्वास मुख्यमंत्री सावंत हांणी उक्तायलो.
3 हजार विद्यार्थीय येतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
