भांगरभूंय | प्रतिनिधी
खबरां संस्था
बर्मिगहॅमः राष्ट्रकुल खेळां सर्ती भारतीची ज्युडो खेळगडी सुशीला देवी लिकमाबामान रुप्या पदक जिखलें. विजय कुमार यादवाक कांस्या पदक मेळ्ळें.
सुशीला देवीन 48 किलो वजनाच्या गटांत फायनल फेरयेंत दक्षीण आफ्रिकेच्या मायकेला व्हायटबोई कडल्यान हार घेतली. ताका लागून ताका रुप्या पदकाचेर खोशी रावचें पडलें. विजय कुमारान दादल्यांच्या ज्युडोन सायप्रसाच्या पेट्रोस क्रिस्टोडौलायडाक हारोवन कांस्या पदक मेळयलें.
सुशीलान हाचे पयलीं 2014 चे ग्लासगो राष्ट्रकुल सर्तींत ज्युडो रुप्या पदक सर्तींत पदक मेळयल्लें. ह्या खेळांत पदक मेळोवपी तें पयलें भारतीय बायल थारल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
