भांगरभूंय | प्रतिनिधी
भांगरभूंय । प्रतिनिधी
दिवचलः खेळ आनी युवा वेव्हार खात्यान आयोजीत केल्ल्या विद्यार्थ्यांच्या गटांत मुळगांवच्या ज्ञानप्रकाश उच्च माध्यमीक विद्यालयाच्या विद्यार्थ्यांच्या पंगडान वस्तादपण मेळयलें. आठ पदकां सयत ताणी करंड मेळयलो. विद्यार्थिनीच्या पंगडात ज्ञानप्रकाशाच्या पंगडान तिसरी सुवात मेळयली.
विद्यार्थ्यांच्या गटांत रहमत शहा आनी दुर्गेश चौरासिया हांणी भांगरापदकां मेळयली. संजीवकुमार, अमन हाश्मी, विनोद पुजारी, सिद्धेश गांवस हांका रुप्याचीं आनी तन्वेष शिवोलकार, दुर्गेश यादव हांणी कांस्या पदकां मेळयलीं. विद्यार्थिनीच्या गटांत सुहाना परवाराक भांगराचे साक्षी गांवकाराक रुप्याचें आनी मिनाक्षी नायक, ऋतुजा तेलकरी आनी रीनी परवार हांणी कांस्या पदका मेळयलीं.
विद्यार्थ्यांनी मेळयल्ल्या ह्या येसा खातीर संस्थेची अध्यक्ष प्रिया राऊत, प्राचार्य लक्ष्मीकांत परब, पीटी शिक्षक मंगेश परब आनी धीरज मातोंडकार हांणी पंगडाक परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
