भांगरभूंय | प्रतिनिधी
– मसुदो तयार करपा खातीर देखरेख समिती
पणजी : दायज धोरणाचो मसुदो तयार करपा खातीर सरकारान देखरेख समिती स्थापन केल्या. देखरेख समितीचेर सरकारी अधिकाऱ्यांं सयत राजेंद्र केरकार, संंजीव सरदेसाय हांंचो आस्पाव आसा. देखरेख समिती स्थापन करपी अधिसुचोवणी जारी जाल्या.
दायज धोरण तयार करपा खातीर समितीचे वांंगडी सुचोवण्यो दितले. तज्ञ तशेंच सामान्य लोकांं कडल्यान आयिल्ल्या सुचोवणेचेर देखरेख समिती विचार करून निर्णय घेतली. दायज धोरणाचो जो मसुदो तयार जातलो तातूंत योग्य बदल करून देखरेख समिती सरकाराक तो मंजुरी खातीर सादर करतली.
पुराभिलेख खात्याचे सचीव हे देखरेख समितीचे अध्यक्ष आसात. कायदो फांट्याचे अतिरिक्त सचीव, मुखेल नगर नियोजक, पर्यटन संंचालक, कला आनी संंस्कृती खात्याचे संंचालक, पुराभिलेख खात्याचे संचालक, जैवविविधताय मंंडळाचे वांंगडी सचीव, पुराभिलेख अधिक्षक, भौशीक बांंदकाम खात्याचे मुखेल आर्किटेक्ट, गोंय हेरिटेज अॅक्शन समितीचे प्रतिनिधी, राजेंद्र केरकार, आर्किटेक्ट केतन नाचनोडकार, डॉ. पांडुरंंग फळदेसाय, संंजीव सरदेसाय हे वांगडी आसात. पुराभिलेख खात्याचे सहाय्यक पुराभिलेख अधिक्षक हे समितीचे वांंगडी सचीव आसात.
राज्याचे दायज धोरण तयार करपाची घोशणा मुख्यमंंत्री डॉ. प्रमोद सावंत हांंणी केल्या. दायज पर्यटनाक उर्बा दिवपाचो हेत हाचे फाटल्यान आसा. आतां सरकारान देखरेख समिती स्थापन केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
