भांगरभूंय | प्रतिनिधी
पणजी, प्रतिनिधी : सर्गेस्त भाऊसायब बांदोडकार मुख्यमंत्री आसतना 1963 वर्सा ज्यो विजेच्यो सरयो घाल्ल्यो त्यो तश्योच आसात. कांय कडेन बदल्ल्यात. पूण पुराय राज्यांत चडश्यो पोरण्योच लायटीच्यो सरयो आसात. वर्सभरांत राज्यांतलो लायटीच्यो सरयो (कंडक्टर) बदलतले, अशी घोशणा वीजमंत्री सुदीन ढवळीकार हांणी केली.
पर्यें मतदारसंघांत मोर्ले हांगा विवीध प्रकल्पांचें उक्तावन जालें. हे कार्यावळींत उलयतना ढवळीकार हांणी ही घोशणा केली.
इतकीं वर्सां वीज पुरवणेची कामां कांय थारावीक मतदारसंघांत जातालीं. डॉ. प्रमोद सावंत सरकाराच्या कार्यकाळांत राज्यांत वीज पुरावणेचीं कामां सुरू आसात. ह्या वर्सा 2680 कोटींचीं कामां सुरू आसात. पर्यें मतदारसंघांत 59 कोटींच्या कामांच्यो निविदा जारी जाल्यात. पर्यें आनी वाळपय मतदारसंघांत सगल्यो 11 केवी लाटीच्यो सरयो जमनी पोंदच्यान व्हरतले. साखळेचो वीज ट्रान्सफॉर्मर 6.3 मेगा वॉट तांकीचो आसा. सांखळे 10 मेगा वाट तांकीचो ट्रांसफॉर्मर बसयतले. हाचो पर्यें मतदारसंघाक लाव जातलो, अशें श्री. ढवळीकार हांणी सांगलें. बंच केबल यंत्रणां सामकी अपेशी थारिल्ल्याचें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
