भांगरभूंय | प्रतिनिधी
भांगरभूंय । प्रतिनिधी
काणकोणः काणकोण पालिका मंडळाच्या नगराध्यक्षपदाचो सायमन रेबेलो हांणी राजिनामो दिल्ल्यान रिकामें जाल्लें हें पद भरपा खातीर चावडी वॉर्डाचो नगरसेवक रमाकांत नायक गांवकार हांणी आपलो उमेदवारी अर्ज सादर केला.
सत्तारूठ पंगडांतल्या नगरसेवकांनी केल्ले कबलाती प्रमाण आपलो कार्यकाळ सोपल्या उपरांत रेबेलो हांणी नगराध्यक्षपद सोडिल्लें. ते सुवातेर रमाकांत गांवकार हांची निवड अपेक्षीत आशिल्ली. तांणी आपलो उमेदवारी अर्ज पालिकेची मुख्य लिपीक भारती मडगांवकार हिका सादर केलो.
ह्या वेळार सत्तेर आशिल्ल्या पालिका मंडळातलें सायमन रेबेलो, उपनगराध्यक्ष लक्ष्मण पागी, नगरसेवक गंधेश मडगांवकार, नार्सिस्को फर्नांडीस, अजीत तारी, शांबा देसाय आनी काणकोण भाजपा मंडळ अध्यक्ष विशाल देसाय हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
