भांगरभूंय | प्रतिनिधी
भांगरभूंय । प्रतिनिधी
वाळपयः गोंयांत हालीं रस्त्यांनी व्हडा प्रमाणात अपघात जावपाक लागल्यांत. वाहन चालकांनी येरादारी नेमांक पाळो दिल्यार अपघात जावचे नात अशें वाळपय पुलीस प्रशिक्षण केंद्राचो पुलीस निरीक्षक शाम धुरी हांणी सांगलें. इंडियन रेडक्रॉस सोसायटी वतीन आयोजीत केल्ले रस्तो सुरक्षा कार्यावळींत ते उलयताले. सोसायटीच्या सत्तरी फांट्याचो अध्यक्ष शाम साखळकार आनी धर्मेंद साळुंखे मायचेर आशिल्ले.
अपघात जावपाक जायती कारणां आसतात. दरेकल्यान आपलो जीव वाटावपा खातीर तरी नेमांक पाळो दिवपाक जाय. रस्यार अपघाता जावन लोक मरतात. हें थांबचें अशें दिसता जाल्यार नेमाक पाळो दिले बगर पर्याय ना अशें धुरी हांणी फुडें सांगलें. इंडियन रेडक्रॉस सोसायटीन हातांत घेतिल्ल्या उपक्रमाची म्हृायती शाम साखळकारान दिली. शालेय विद्यार्थ्यां मदी येरादारी नेमा विशीं जाग्रुताय करपा खातीर सोसायटी विशेश कार्यावळी आयोजीत करता अशें तांणी सांगलें.
इंडियन रेडक्रॉस सोसायटीच्या समाजाभिमूख कार्यावळींत दरेकान वांटो घेवन तांकां उर्बां दिवपाक जाय. समाजाची उदरगत हें सोसायटीचें ध्येय आसा अशें धर्मेंद्रस साळुंखे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
