भांगरभूंय | प्रतिनिधी
इंटरनॅशनल सद्गुरू गुरूकुलमाच्या विद्यार्थ्याचें येस
भांगरभूंय खबरांमेज
पणजी ः इंटरनॅशनल सद्गुरू गुरुकुलम तपोभूमी हे निवासी शाळेंतलो विद्यार्थी राज्य पांवड्या वयल्या आनी राष्ट्रीय पांवड्या वयल्या विंगडविंगड सर्तींनी बरें येस जोडटात.
पद्मश्री विभूषित धर्मभूषण सद्गुरू ब्रह्मेशानंदाचार्य स्वामीजींच्या दिव्य मार्गदर्शनान सुरू आशिल्ले हे शाळेंत दर्जेदार शिक्षण आनी उत्तम संस्कार हांची सांगड घालत विद्यार्थ्यांचो सर्वांगीण विकास सादपा कडेन शाळा प्राधान्य दिता.
सेंटर फाॅर एक्सीलेंस, दिल्ली हे संस्थेचे वतीन अखील भारतीय पांवड्या वयली 14 वी आॅल इंडिया मॅथ्स सायन्स टॅलंट एक्झामिनेशन फेब्रुवारी 2022 वर्सा जाली. इंटरनॅशनल सद्गुरू गुरूकुलमाचो यत्ता सातवेंत शिकपी विद्यार्थी यजत नारायण भाटवडेकर हाका पुराय भारतांत चवथो क्रमांक मेळ्ळा. ते खातीर ताका पदक भेटयलें.
शाळेचे वतीन मॅनेजमेण्ट आनी शिक्षकांनी यजत भाटवडेकर हाचें अभिनंदन केलें आनी फुडाराक ताका बरें येस आंवडेलें. निवासी शाळेच्या उत्तम अध्यापन कुशळटायेक आनी उत्तम वेवस्थापना खातीर पालकांनी समाधान उक्तायलें आनी ताचें स्रय शाळेक दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
