भांगरभूंय | प्रतिनिधी
रामचंद्र नार्वेंकारः आकाशदिवो, रांगोळी सर्तींक बरो प्रतिसाद
भांगरभूंय । प्रतिनिधी
वाळपयः म्हावूस गांवाक इतिहासीक वळख मेळ्ळ्या. ह्या गांवांत दर वर्सा परंपरीक पद्दतीन दसरो मनयतात. ताका लागून ह्या गांवाक विशेश अशी वळख मेळ्ळ्या. ही वळख हेर देशांनी पावची हे खातीर गांवांतल्या दरेकल्यान योगदान दिवप गरजेचें आसा, अशें रामचंद्र नार्वेंकार हांणी सांगलें.
म्हावीस सत्तरीचे नटरंग संस्थे वतीन अखील गोंय पांवड्याचेर आकाशदिवो आनी रांगोळी सर्त घेतिल्ली. तांच्या इनामां भेटोवपाच्या सुवाळ्यांत नार्वेकार उलयताले. देवस्थानाच्या प्राकारांत आयोजीत केल्ल्या ह्या सुवाळ्याक देवस्थान समितीचे अध्यक्ष कांता गांवकार, पोपट गांवकार, परिक्षक गोविंद तारी, सागर च्यारी, शुभम च्यारी आनी हेर मानेस्त हाजीर आशिल्ले.
गोविंद तारी हांणी सांगलें, अशे तरांचे सर्तींक लागून गांवगिऱ्या वाठारांतल्या कलाकारांक उर्बा मेळटा. दरेका गांवांनी अशे तरेच्यो विवीध सर्ती घेवप गरजेचें आसा.
सागर च्यारी हांणी सांगलें, नटरंग संस्थेन भुरग्यांक उर्बा दिवपाचो भार आपल्या भुजार घेतला. अशे तरेच्यो सर्ती घेतिल्ल्यान गांवच्या भुरग्यांक निश्चीत उर्बा मेळटली. फुडारांत गांवांतल्या भुरग्यांनी व्हड प्रमाणांत अशा सर्तींनी वांटो घेवन आपले कलेक वाट मेकळी करून दिवची.
आकाशदिवो सर्तींतलें पयलें इनाम योगेश गांवकार (फोंडें), दुसरें इनाम- विनोद नायक (कुमारजुंवें) आनी तिसरें इनाम- दत्तप्रसाद गावडे (फोंडें) हाका फावो जालें. उमेद वाडोवपीं इनामां आयुष्य फडते (आमोणें), सुनील नायक (कुमारजुंवें), साहील सतरकार (फोंडें) आनी नितेश गावस (मोर्लें) हांकां फावो जालीं.
रांगोळी सर्तींतलें पयलें इनाम वैष्णवी गांवकार, दुसरें इनाम- चैतन्य पर्येंकार आनी तिसरें इनाम अनुसिका गांवकार हांकां फावो जालें. उमेद वाडोवपीं इनामां संजना गांवकार आनी राघवी गांवकार हांकां फावो जालीं. परंपरीक दिवली पेटोवन कार्यावळीचें उक्तावण जालें. संध्या गांवकार हांणी सुत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
