भांगरभूंय | प्रतिनिधी
भांगरभूंय I प्रतिनिधी
पणजी : म्हारगाय, बेरोजगारी आड देशभरांत काँग्रेसीन देश पांवड्यार केंद्र सरकारा आड आंदोलन सुरू केलां. पूण भाजप सरकार पुलिसी बळाचो वापर करून विरोधकांचो आवाज चेंपपाचो यत्न करता. आंदोलनकर्त्यांक ताब्यांत घेता, अशें गोंय प्रदेश काँग्रेसचे अध्यक्ष अमीत पाटकर हांणी सांगलें.
भाजपान काँग्रेस फुडाऱ्यांक सक्त वसुली संचालनालय (ईडी) वरवीं सुरू केल्ले सतावणुके अाड गोंय काँग्रेसीन शुक्रारा पणजे काँग्रेस कार्यालया मुखार निदर्शनां केली. ह्या वेळार काँग्रेसीचे फुडारी हाजीर आशिल्ले.
विरोधकांक सोंपोवपाचें काम मोदी सरकार करता. आंदोलन केल्यार पुलिसी बळाचो वापर करून अटक करतात. भाजप सरकार सर्वसामान्यां विरोधांत काम करता. पूण लोक तांकां योग्य वेळार धडो शिकयतले, अशें पाटकार हांणी सांगलें.
भाजप सरकाराच्या काळांत म्हारगाय सोंसपा भायर पावल्या. सर्वसामान्यांक जगप कठीण करून दवरलां. काँग्रेस सरकाराच्या काळांत सर्वसामान्यांच्या हिताचे निर्णय घेताले. लोकांक त्रासदायक थारपी निर्णय फाटीं घेताले, अशें आमदार कार्लुस आल्मेदा हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
