भांगरभूंय | प्रतिनिधी
म्हापशें, प्रतिनिधी ः दत्तवाडी- म्हापश्यां जाल्ल्या स्वयं अपघातांत स्कुटर चालक मेहबूब ऊल खान पठाण (30, कुचेली) हाका मरण आयले. म्हापशें बाजारांत तो फळां विकपाचो धंदो करतालो. बिरेस्तारा रातच्या 11 वरांचेर दत्तवाडीच्या श्री दत्त मंदिरा लागसार फळारी हांच्या घरा मुखार हो अपघात जालो.
जीए-03 एयू- 5653 ह्या क्रमांकाच्या स्कुटरी वयल्यान मेहबूब दत्तवाडींतल्यान म्हापश्यां शारांत येतालो. दत्तावाडीच्या श्रीदत्त देवळा मुखार आशिल्ल्या देंवतेचेर तांचें स्कुटरी वयले नियंत्रण गेलें आनी ती पडली. ह्या अपघातांत मेहबूब गंभीर जखमी जालो आनी ताका जाग्यारुच मरण आयलें. अपघाताची म्हायती मेळ्ळे उपरांत म्हापशें पुलिसांनी अपघात जाल्ल्या सुवातेर वचून ताका दाखल केलो. थंयच्या दोतोरांनी ताका मरण आयिल्ल्याचें जाहीर केलें.
उपनिरिक्षक सुनील पाटील आनी हवालदार केशव नायक हांणी अपघाताचो पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
