भांगरभूंय | प्रतिनिधी
भांगरभूंय प्रतिनिधी
म्हापशें ः म्हापशें पालिकेंतले तीन कर्मचारी सेवा निवृत्त जाले. ह्या कर्मचाऱ्यांचो सेवा निवृत्ती खातीर पालिका कर्मचारी संघटणेचे वतीन सत्कार करून तांकां निरोप दिलो.
सेवा निवृत्त जाल्ल्या कर्मचाऱ्यां मदीं बसवराज मोर (पर्यवेक्षक), जनाप्पा पुजारी, गौरी नायक आनी सत्येवा नायक (सगले सफाय कामगार) हांचो आसपाव आसा. तांणी 22 वर्सां पालिकेंत सेवा केल्या.
पालिका सभाघरांत जाल्ल्या निरोप सुवाळ्यांत पालिका कर्मचारी संघटणेचे सुनील नायक आनी शंकर किनेकर हांचे हस्तुकीं शाल, फुलांतुरो आनी भेटवस्त दिवन ह्या सेवा निवृत्त कामगाराचो सत्कार केलो आनी तांकां फुडल्या आयुश्या खातीर शुभेत्सा दिल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
